1 | |
HStAOrient5a: 40v Mutavassıṭasından Heyʾet‑i İbn Eflaḥ mebsūṭasından Qānūn-i Mesʿūdī // ki Ebū Reyḥānīnüñdür. Ammā ʿilm‑i heyʾet berāhīni ile meẕkūr olmasa heyʾet‑i // basīṭ dėrler. Heyʾet‑i basīṭda kütüb‑i muḫtaṣaradan Teẕkire‑i Ḫᵛāce Naṣiruddīn // Ṭūsī ve Mulaḫḫaṣ‑i Çaġmīnī. Mebsūṭadan Nihāyetü l-idrāk‑i Quṭb‑i Şīrāzī // ve Çaġmīnīnüñ şurūḥ‑i müfīdesinden Şerḥ-i Fażlullāh ʿUbeydī ve Şerḥ-i Kemālüddīn Türkānī ve Şerḥ-i Qāżīzāde Rūmī ki ecved şurūḥındandur. Ve kütüb‑i // muḫtaṣaradan Mevlānā ʿAlī Quşçınuñ Fetḥīyesi ve Şerḥ-i Mevlānā Sinān // ve Şerḥ-i Mīrīm Çelebi ki muṣannıfuñ duḫterzādesidür. Ve Baṭlamiyonuñ // aḥvāl‑i mesākinde Coġrāfyā adlu kitābı vardur. Ve bu ʿilmüñ şerefinde // kelāmu llāh şāhid‑i kāfīdür ki vārid olmışdur: Allaḏīna yaḏkurūna llāha // qiyāman wa‑quʿūdan wa‑ʿalā ǧunūbihim wa‑yatafakkarūna fī ḫalqi s‑samāwāti // wa‑l‑arḍi rabbanā mā ḫalaqta hāḏā baṭilan. ʿİlm‑i meẕkūr tefekkür fī ḫalqi s‑semāvāt // idügine şübhe yoqdur. Ve baʿde t‑tefekkür bu niẓām‑i bedīʿ ve üslūb‑i // ʿacīb ile seyyārātuñ ḥareketi ve s̱evābitüñ sükūnı ve her birinüñ // evżāʿ‑i maḫṣūṣaları bir ḥikmet‑i ḫafīyeyi müştemil olduġına şühūd‑i // kāmil olıcaq. Allāh taʿālānuñ kemāl‑i qudretine ne mertebe‑i vuqūf // ḥāṣıl olduġına ẓāhir olur. İmām Faḥrüddīn Tefsīr‑i Kebīrde buyurur‑ki // ʿÖmer bin Ḫayyām ʿÖmer Es̱īrī öñinde bir gün Mecesṭī qırāʿat ėderken fuqahādan // baʿżı ol maqāmdan güẕer ėdüb mübāḥas̱elerine naẓar qılduqda |